• Guie’ xhuuba’
• īzquixōchitl (náhuatl); rheni inee: ´esquite flor’

Yaga nii naka la luzezi ki borraja, gulavere, heliotropo len nomeolvides. Yugutezi luzee yagadokeni chiee xhila lu laga kie. Le zian yaga ni, lawi ga rzuu guiaj narëli modo xhban yëxhanü.

Yaga ni rxhën lezii lu guia'a Monte Cristo, ga raka buza'a Honduras, Guatemala len Salvador. Na rxhën lu guia'a ziaga, ga run nhala. Guzulo tazagake lee zziyatela ilachin Europeos yu liraa yu laa ki sur, le naka Guatemala rchinte Michoacán. Na'a rëtzëla na'ate, naduza rua ido'o len lu panteón.

Yazmin ki Istmo tule’e lezian nia lu poema len lu wila nakachi náhuatl lu izza tu mila gayu gayua galaj (1520), lhati gudëdi bëxhaj Tenochtitlán. Fraile gulachine primero ziguita gulayedine didza ni, na gulekibene lachi run wila, na buluzie Lu chopa guichi ga nazuaj Len nagake: wila ki ziguita len Romance ki bëni ki España kubi. Jazmin ki Istmo o guiaj esquites riruaj zian nia len rosita ki zhia'a, guiaj na ruzí'i tejate, le ridui lula'a nekini xhua la zhia'a. Guiaj ni nazi lee náhuatl cacahuaxōchitl.

Rutzëliru yaga ni ga naka rua ido'o ki bhala yëtzi lula'a, ka San Andrés Huayapam, gagu lula'a. Nigula xhidza Istmo tekileenu len tunguninu chin ki guikiajgakanu tuzekinu len ila'a xhixhi para teajnu ga tudëde candelha, lanhi xhidza ki barrio len Gremio. Guie' xhuuba', lee guiaj ni, naka laa nigula ki lu región bupu, niza bchina ki xhua Len zhia'a le rutzu lu lanhi', ruzilee Len guiaj ni, tzaga guie' chaachi.

Lu layela Etnobiologico ki lula'a bduza yaga ni napa tapa metro yëla tunha len ziaj rshënri. Tu famila ki istmo buluzalachigake yaga ni orna napa chopa metro yëla tunha. Ziaj zuza'a ruilachitu ki guiaj kie len tu pincel, ni ka ti raka guna rze'e. Le ni rutzaga len le tanhe bëni Istemeños tazee: le gake tanee yagani raka iduzazi por acodos.