• īzquixōchitl mí (nga én xiyee); ya tjenni; naxó nchitin

Je yájè xákjín mani xka borraja, koati xka ijñá ri xichaa, (jeriti sasanile mí nga kastía), koati jñári heliotropo mí kori no me olvides mí. Kjínmani xka jñári tsjajno kjoán, tjaèn bisó, kjín ri ya atjón yála naxó ri bajála jonikji cho nayákji se nga bijna xkoya.

Ya jin ijñá ñani nindó montecristo mí, ya makjoni naxaenandá Honduras, Guatemala ko ri el Salvador mí. Ya majchá ngi ijñá ñani ‘ifii sinyá, ya ñani nyán nde. Tikje fi jin’’jín’iná chjita ri xaén nangi ya kjoáchjá nangi ri tsjèyaa, joonda Guatemala skanda Michoacán. Ya sakóná jonda ndae, ya bitjé chjita ya nditsín ‘ingoo jna koati ya nchá iken.

Je naxó jazmín ri tse Istmo mí, ya baxkijin najmí axaé ko só ri kisixkóní én xiyee nó 1520, ke nga kje ka’ingijín naxaenandá ri Tenochtitlan mí. Jñá chita nami ri ji jin tijtónná kamála kichja én xiyee konami kitsee nga naskátsó que nga njtani, jo xajon tsakindanta nga tsakixkó: jñári Cantares Mexicanos mí kori Romances de los Señores de la Nueva España mí. Je naxó jazmín ri tse Istmo mí, o tsá naxó nyitin mí, ya ti tijta ata tsee ndi nasó ri tsee ngió mí, jeri nda bajtani ri tejate mí, nandá najmé ko ngió ri bi sindaa Naxitsje. Cacahuaxōchitl mí nga én xiyee. Bi tijna jngobi én axaé je, ko én ri jotsóni:

Ya ‘ika nditsinla ‘ingo sakóná yá jñá nandae, Bi ika naxaenandá Naxitsjee, joni bi chraña ñani San Andrés Huayapam mí. Jñá ‘ichjín zapoteca ri istmo mí tse ya Naxaenandá Tehuantepec, ñó tsjakee, naxó jñá, si ñójin sí ‘axaejinni tsjajko ke nga fi sí ri vela tsóla, sí ri batsje jtín. Guie’ Xhuuba’ mí jinla nga én zapoteco. Jin la chjón ya nangi ya. Jeri bupu mí, koati jé ma’axaeni naxóje nandá najmé ko ngió ri siyaa nga koati sí bitjo, koatisín sín joni ri guie’ chaachi mí.

Bi jardín etnobiológico mí, bi Naxitsjee. Jngo tsakítjéjin yá naxó jé, imela ‘ijón metro nga, tanga tajó timangana. Chjita Istmo kitsjaa koatjónajin, tikela jó metro ngani ngake. Kjoákjín kjá mijénnajin tsaki sijchájin tola, tanga niki bajála. Kjoaxila’ila chjita ri be ya istmo: nga nikiró koasín majchá, takeró tsá signa nginde tsjaa kuijtsjén.