Anot oniügaran kos netsajyay ombas atankeay ajiür xiyay osaab, ajküw cícadas ajiür xiyay atam tiül ajküw nine kambaj tiül México. Xiyay atamüw wüx tradición ajlüy mi nangoxnüt tanomb nüt prehispánico, nganüy lamangowüch nej sincretismo post colonial; atankeay axomats wüx atiüts ndoj aaga ayariüts kiaj a ajikich almapak mi fis mi xejchiüts lamajiür gajpowuw koik miow.

Ombas aaga Dioon ajikich nej noik xiül niüng ngomajiür ajpot mbaj atankiay üüch osaab ngomajiür opang tiül netsajyay omeaats nej atnej noik cono; ajlüy nench aton ajlüy nüx xiül (plantas dióicas), ajiür nadam napak aop newinchikiay atankiay awün mi küy atnej cicasina makiüb macrozamina. Aton ajikich nej kos ajiür nadam dam cono nüx nesonong mi pepel nej wüx ombas (Vásquez- Torres et al.,1989).
Akas ombas ajküw xiül küy lajaraw ayaj mbas ajlüy tanomb ngineay tamongoch atang asap ombas xiül, atnej ajawats osaab ngomajiür opang, ngomajiür nael mekwal, espermatozoide najüy, polinización y fertilización en estadios separados por xiyay kaw, etc.

Aaga Dioon kam ajiür gajpoyay ombas, amiün gajponüy ajlüy México (son endémicas) aton ngomajlüy ngiane apmixom alinoik wüx aaga iüt kam. Noik aaga xiyay anot oniügaran marrey aaga Dioon spinulosum Dyer ex Eichl. Ajlüy atüch ajal oleaj gajponüy metro, ajküw owil xiül kam narix nganüy mi püüig aop nej nadam cojniow wüx mijae miün minkiaj atnej mijaw op nit (figura 1) (Chamberlain, 1909). Ajlüyiw tiül peat medianas perennifolias y subperennifolias miün tiül cuenca media mi lam Papaloapan -Veracruz y Oaxaca-, tiül najal iüt miün wüx nimiow gajpowüw andüy apikiw koik miow metro wüx omal ndeik (msnm) at miün wüx iüt kárstico, niüng ajlüy Kang caliza atmiün xarraing iüt mediana (Chamberlain, 1909). Ayagaran ombas atne “coyolito de cerro”, “coyolito” tiül mi iüt Veracruz, ngwa atne “palma chicalite” nengüy Tipajteam.

Ajlüy akas kambaj originarias, aaga xiül küy xeyay alombaran ombas kos netsajyay ombas, agüy alndom maxomaats tinden niüng atangücheran xiül ngwa tiül parques makiüb plas; atankiay osaab nej ayarich müeteran. Jane nejiw arangüw aagüy mi kambaj chinantecos makiüb mon piür tiül mi cuenca mi lam Papaloapan, niüng lajaraw ngineay ayarich ninginüt nganaw majlüy colonia española (Bonta et al., 2019). Ngineay alndom müeteran aagüy, majawaats wüx lajün osaab latang, mateayeran mawaag, nerimb wüx mangix ndoj majün newüene testa tiül yow makiiüb napak posoel atkiay ndowüx mawüeneran omeaats almidón mayaküch tiül mi ajtsaj os marang netiül, chaw, peats ngwa nine peats najün wüx mangix (Chamberlain, 1909; Vázquez-Torres et al., 1989; Bonta et al., 2019). Tiül mi estado Veracruz, ajküw monpiür apiüngüw ngiaj ngiaj ütiw, wüx matüch nüt ngojlüy yow ngwa napateay nüeteran; ajküw natang ombas nipilan, leaw omeajtsüw wüx tajlüy Revolución Mexicana, aaga osaab a xiül küy ütiw, atkiay tamongochiwe nael nüt (Chamberlain, 1909; Bonta et al., 2019).

Marang a tsajyay ombas atmiün adam agüy (figura 2), ajküw xiül küy xeyay andiüram.

• Bonta M, Pulido-Silva MT, Diego-Vargas T, Vite-Reyes A, Vovides A P, Cibrián-Jaramillo A. 2019. Ethnobotany of Mexican and northern central American cycads (Zamiaceae). Journal of Ethnobiology and Ethnomedicine 15:1-34. https://link.springer.com/article/10.1186/s13002-018-0282-z
• Chamberlain CJ. 1909. Dioon spinulosum. Botanical Gazette 48(6): 401-413. https://www.journals.uchicago.edu/doi/pdf/10.1086/330062
• Gutiérrez‐Ortega JS, Pérez‐Farrera MA, Sato MP, Matsuo A, Suyama Y, Vovides AP, Molina-Freaner F, Kajita T, Watano Y. 2024. Evolutionary and ecological trends in the Neotropical cycad genus Dioon (Zamiaceae): An example of success of evolutionary stasis. Ecological Research 39(2): 131-158. https://doi.org/10.1111/1440-1703.12442.
• Vázquez-Torres SM, Sánchez Tinoco MY, Alejandre Rosas JA. 1989. Algunos datos etnobotánicos sobre las Zamiaceae (Cycadales) de México. Centro de Investigaciones Biológicas, Universidad Veracruzana. https://cdigital.uv.mx/server/api/core/bitstreams/a756a409-bef5-41de-94fc-c0e686b0f446/content
• Vovides AP, Chemnick J, Gregory T. 2022. Dioon spinulosum (errata version published in 2023). The IUCN Red List of Threatened Species 2022: e.T42149A243387612. https://dx.doi.org/10.2305/IUCN.UK.2022-1.RLTS.T42149A243387612.en.