Ombeayiüts

Huave, San Mateo del Mar

Noe Pinzón Palafox

Pinzón-Palafox N.
Institución: Museo Textil de Oaxaca
Comunidad: San Mateo del Mar
Id en Cédulas del Jardín: 0006

Persona autora de cédulas del Jardín Etnobiológico de Oaxaca
Ombeayiüts   (Huave, San Mateo del Mar)
Xi nüt Noe Pinzón Palafox, nop ikoots xik nawas tikambaj, najüyiüs meed.
Tanamb sakiajchay wüx nine mongich xik tiül Benito Juarez, makiüb Emiliano Zapata tikambaj. Leaw xi meaats sandeakanaag sakiüjpüw wüx ombeayiüts, kiaj ngojlüy mondeak ombeay moel ngüa napateay, atankiay monkeaach sajaw ajlüy akas ikoots, andearak xeyay ombeayiüts, kos atmiün tinden xi müm, xi teat andeaküw ombeayiüts, xi teat vida makiüb xi mümvida wüx aliün mapaküw andeaküw xeyay ombeayiüts makiüjpüw xik. Wüx naw sajüy tikambaj tiül tiüd sangiay ngineay andearak, wüx naam kalüy ndek sangiay andeaküw mondok, templas ajküw monüjpeay aton andeaküw kwane teamanüjpiw, atankiay mal wiiüd ngüa timoing angiayeran mondeak ombeayiüts. Atkiay ndotximbas nandeak mi ombeayiüts mi kambajaats teoj tanandeak ombeay moel.
Nganüy xike teanajaw ngineay tea xeyay andearak ombeay moel, ayaj najneaj ndom ombasaats mandeakaats palwüx ombeayeran kos üüch raam omeajtsaats, maxomaats omeajtsaats kwane apiüng mi fis palwüx kambaj. sapiüng ngom apdrom ombas mi pochiüts ndot meawan nüt mangiayiiüts, kwane teamasaj ikoots mixejchiüüts am tiül mi mümaats mi teatiüüts, makiajchiüts ajküw mongich andüb miün ikoots kos meawan nüt nejiw tea mangiayiw kwane andeakaats, üjchiw xeyay olajküw, atankiay ikootsa üjchiiüts xeyay ombeayiüts.

Cédulas en las que participa:

  1. Mbaj xiülT (huv), JebOax
  2. NapajteamT (huv), JebOax
  3. Jazmín del IstmoT (huv), JebOax
  4. Sabino o ahuehueteT (huv), JebOax
  5. Mi chech nüikT (huv), JebOax
  6. Xix künT (huv), JebOax
  7. Nakants wean: Najneaj angan, nakants ombas, nachich kiripite, ¿jan xik?T (huv), IxMxJebOax
  8. Noik xiül üüch ikoots xeyay nejiür
    xeyay atam: ngotsT (huv), IxMxJebOax
  9. Itün mingiay aliig imal: nejpeikT (huv), IxMxJebOax
A=Autor; T=Traductor;