Eloy

Jau jmai.

Chinanteco, Tlacoatzintepec

Hay 1 traducción

Eloy Regules Cruz

Regules-Cruz E.
Comunidad: San Juan Bautista Tlacoatzintepec.
Id en Cédulas del Jardín: 0017

Persona autora de cédulas del Investigadores por México en el Jardín Etnobiológico de Oaxaca
Jau jmai. (Chinanteco, Tlacoatzintepec)

Eldy Axel Regules ñan El chinanteco de Tlacoatzintepec

Jnan' jmaønh" Eloy Regules Cruz, løn jan' Licenciado guioh' tøh_ jon' niun' tø" primaria guioh' tsø léh jau", zian jnan' i" Jou' Man" Jah', i tí Úh_ Tá , Nin" Kuáhn'. Léh jnan' Jau' Jmain_, guioh' i jmon_ jnan' ta@ la ñan i jainh" jnan' jau' tǿh_ jau' jamin_, ñan jmon_ jnan' videos juø_ jaún"øn" nion".

I jnánh' zih_ nin" i non` jnan' i ta tsǿh_ aǿ jaún"on", kán pí , káh hon jánh_ ta tsǿh_ aǿ jaún"ø", guia" jmaon" tǿh_ nén" la lión jau' i léh tsou man tsø aǿ pa" guioh'. Len_ jnan' man tah' zinh_ nin" i zaǿ" tsou guéh nin" si , guía i" nen jon jmon_ leín' i laǿ jnanh' ñan guía káh jon tso` i la guioh' tsou tø" nen" jiá".

Jan" la jon zion_ jnan' nion" videos juø paginas guioh' Facebook i jmaøn Eldy Axel Regules ñan El chinanteco de Tlacoatzintepec, jau' i jmon_ tsou i" tsǿ", i ngán tsou , jau' i chá" tsou , jau' i an" jnan' ñan láh_ jø` nein" i tsa_ lí i" jou', láh_ ron' i' noún jnan' i léh_ tsou jau" ñan i jmón" tsou zih_ nin" nion".

jan" la nion", man ka jmon` jnan' guioh' i ka jaính tǿh_ jau' jmain jau' i tióh_ Bibllia, ka kuéh jnan' maønh' guion"on" kánh jon lí ngǿn tsou juø" jau"s, jan" la jon man mon` ta" kionh" UNTI kánh tsø í Jau' Jmain guion"on' Google.

Tǿh_ nén" la nén_ lǿn jnan' ta" tǿh_ nainh_ Consejo de Planificación Lingüística Comunitaria del Idioma (ju Jmi), koun juáh i nen' jon jmon_ jnan' ta", kánh jon ta tsá_ aǿ ñan jon tso` tǿh_ chi" jñián jau' guion"on' jnan' ñan' láh_ jø` i ngǿn tsou nion".

Cédulas en las que participa:

A=Autor; T=Traductor;